| 石湖墟林池記隔離間泰國野，做左一輪之後無端端變左越南菜
今日同媽媽去食，叫左個雙人份既檬粉，都ok喎，又唔算貴
不過佢開係果個位，真係無乜生意...
住上水既朋友不妨去試下
之後去左商務逛逛
睇睇下既時候......驚見人棍本書！
即刻打比佢：「喂好勁呀你本書擺係《大唐雙龍傳》隔離！ 」
買左本書
喬靖夫《武道狂之詩》
見九把刀都推介，即管睇下好冇睇
不過都唔敢抱太大期望...所謂推介都係商業成分居多，尤其九把刀近年自己都商業左唔少... |
| |
| 睇電影殺時間
哈利波特5
同momo睇完6之後，唔記得自己究竟有冇睇過5
電視又好似冇播過，但我又有少少印象
後尾先諗起原來自己真係睇過，就係07年係日本個陣
當時我好天真好傻咁認為，自己識少少日文又識少少英文，咁睇日語字幕+英語對白就冇死啦！(我仲要睇過小說喎！)
點知原來一路聽英文一路追日文字幕，個腦會hand機既...
加上套戲既節奏又唔係快，而且當時日日早出晚歸，我睇睇下就訓著左...(勁失禮，明明係人地請客...)
就係因為咁，我對套戲既印象十分模糊
而家睇返，又ok喎...雖然就算我唔記得原著內容，都feel到佢cut左好多野
尤其係harry同張秋條感情線...剩係睇戲既話真係完全莫名其妙
望一兩眼就話有野，無啦啦就咀左...
天狼星死個野又係勁求其...
不過整體黎講又算係咁...反正兩粒鐘無可能跟足原著
等7啦...我要睇石內卜既童年...
其實石內卜先係隱藏主角...
一向唔中意睇哈利波特既電影
因為唔中意睇細路做既戲，而家班主角大晒又ok...
雖然哈利仔仲係咁乞人憎
***
新宿事件
故事係講一個天真爛漫既中國人，即係成龍，偷渡去日本搵佢女朋友
咁呀成龍呢去到日本初初就做黑工，之後撈偏，最後仲入埋黑道，最後仲殺人添！
但佢無啦啦又好似失晒憶，唔記得左自己做過黑社會咁，叫自己d兄弟做正行生意，又叫佢地唔好跟日本仔搵食，甚至問埋d白痴問題：「我地算唔算黑社會呀？」(大佬你人都殺埋，頒個好市民獎比你好冇)
唔好以為我咁講，套戲就唔好睇
其實套戲ok...好現實，好人性化
就係除左成龍！
除左成龍一d都唔現實，一d都唔人性化，其他都好好
成龍話佢破格做黑幫，做壞人，其實咩都冇破到
佢只不過做左一個正氣凜然既黑幫，要做好人既壞人
結果就係不倫不類，超乎現實
反而配角做得唔錯，尤其係吳彥祖同徐靜蕾
節奏都幾緊湊，成套戲兩個鐘，我老豆都冇訓著，其實都算係咁架喇... |
| |